आनंदयात्री...

मूळात  मी 'कवी' नाही.. अक्षरांचा खेळ मांडत नाही ।
शोधात असतो 'स्व'च्या कधी कधी.. दुस-याचं स्वातंत्र्य मात्र हिरावून घेत नाही ।

मूळात मी 'लेखक' नाही.. शब्दांची जुळवाजुळव करत नाही ।
Appointment न देता मनात येती शब्द.. मग लिहायचं मात्र टाळत नाही ।
 
मूळात  मी 'अभिनेता' नाही.. नकलां तून  कला साकारत नाही ।
त्याच्या रंगभूमीत लागलं, खरचटलं तरी, हसत भूमिका काही ‘सोडत’ नाही ।

मूळात  मी 'गायक' नाही.. सूर-ताल काही छेडत नाही ।
ऐकू येताच भाव अंतरीचे.. जीवनगाणे काही बिघडत नाही।

मूळात  मी 'वाचक' नाही..पुस्तकांच्या कोशातच रहात नाही।
'मौलिक पृष्ठां'शी नाळ जोडल्याखेरीज.. 'ज्ञान'दीप कुणा मिळत नाही ।

मूळात मी 'फूल' नाही.. भविष्याची वाट पहात नाही।
जोडून ठेवतो फक्त मूळांशी नाळ.. मरणाचे भय बाळगत नाही ।

जाणिव होतं आहे हळूहळू  की.. मी आहे 'आनंदयात्री' ह्या ‘भव’सागराचा प्रवास करणारा।
त्या अदृश्य नावाड्याच्या हातात बोट देऊन.. साहसाच्या बळावर ‘मार्गक्रमण’ करणारा।