प्रणाम माझा घ्यावा हे श्री महाराष्ट्र देशा...

हि मायभूमी ही, जन्मभूमी ही, कर्मभूमी ही अमुची,

महावंदनीय अतिप्राणप्रिय,  ही माय मराठी अमुची

हा अमुचा आहे बाणा, ही अमुची आहे बोली

अस्मानी झळके भव्यपताका भगव्या जरी पटक्याची,

महाराष्ट्र भूमी ही, जन्मभूमी ही, कर्मभूमी ही अमुची,

महावंदनीय अतिप्राणप्रिय,  ही माय मराठी अमुची

राकट देशा - कणखर देशा - दगडाच्या देशा... 

प्रणाम माझा घ्यावा.. हे श्री महाराष्ट्र देशा,

भीमा - वरदा - कृष्ण - कोयना - भद्रा - गोदावरी,

एकपणाचे भरती पाणी मातीच्या घागरी,

योग्यांची अन् संतांची, भक्तांची, माळक-यांची..

ही देव देश  अन् धर्मासाठी प्राण वेचणा-यांची,

योध्यांची अन् वीरांची, तलवारीच्या पात्याची..

देशाचे रक्षण करण्यासाठी जीव खर्चणा-यांची,

ही भूमी सप्तसुरांची, रंगांची, अष्टकलांची,

काव्याची, शास्त्रविनोदाची ही भूमी साहित्याची...

महाराष्ट्र भूमी ही, जन्मभूमी ही, कर्मभूमी ही अमुची,

महावंदनीय अतिप्राणप्रिय,  ही माय मराठी अमुची