'माझ्या मातीचे गायन'

'माझ्या मातीचे गायन',
तुझ्या आकाश श्रुतीनी
जरा 'कानोसा' देऊन,
कधी ऐकशील का रे ?

             माझी धुळीतील चित्रे,
             तुझ्या 'प्रकाश नेत्रांनी'
             जरा पापणी खुलून,
             कधी 'पाहशील' का रे ?

माझ्या जहाजाचे पंख,
मध्यरात्रीत माखले
'तुझ्या किना-यास' दिवा,
कधी 'लावशील' का रे ?


              माझा रांगडा अंधार,
              मेघा-मेघात साचला
              तुझ्या 'उषेच्या कानी',
              कधी 'टिपशील' का रे ?

वर्ख लाऊन कागदी
माझे 'नाचते बाहुले',
कधी 'कराया कौतुक'
खाली 'वाकशील का रे' ?
       
- कुसुमाग्रज